Chide prekal savori Europa, o Roma - dgi akana si pre lende thodo o dgungalo termino "cigani" - si socijalno, ekonomikanes thaj pre margina, tele diskriminacija andro savore thema thaj khetanjibena. Kodo specijalno si chachipen andro anglunes socijalistikane thema andre Telunji-Istochno Europa thaj Centralno Europa, kaj but baro kotor andal o pashes 12 miljioni Romendar beshen kothe. Ole themende o politikane sistemi thaj khetanjibena vazdle but zorale negativna stereotipi pal o Roma, so anel sakodjivesutnji diskriminacija thaj uchi frekvencija maripnaskri. Andro majbare (generalna) medija o Romane butja si prezentimen majbut phutarde negativno relacijaha - te si.

Mamuj ajse bilache dikhibnaske, thaj sar o profito khatar o buxljarde politikane hakaja kanastar agorinenas o 1980-te bersha, o romane komuniti thaj o medijakre profesijonalna manusha astarde te keren peskre romane mediji. Avdjives si andre Istochno Europa varesave radijo emisiji, televiziji, thaj duj neve agenciji save si kerde Romendar - varesave lendar si kerde khatar o profesijonalna manusha save angomis kerenas andro themakre medija, aver kerde o terne idealista save entusijasmoha arakhle o neve droma vash lengri eskpresija thaj komunikacija avere ekvivalentenca, thaj sar te den peskro mesazho dureder prekal o generalna medija thaj khetanjibena. 

Romane medija si len vazhno rola kana pes kerel e forma pre kodo sar o Roma keren korkore pengri akceptacija, sar dikhen pre pengri kultura thaj tradiciji, pre lengri socijalno the ekonomikanji situacija, diskriminacija the lengre hakaja. Jekhto thaj majbut, o romane medija si o instrumento vash e promocija savore Romenge sar le manushenge, pre savende sas but shelbershipena kerdji brutalno opresija. Majbut, romane medija si but kutch instrumento vash o arakhipen le romane shibakro thaj kulturakro, andro sajekh momento ispiden e komunikacija mashkar e bareder romane komuniti save pen maren vash e emancipacija thaj inkluzija sar ekvivalentna themutne. Pro agor, kana den andro generalna mediji kvalitna nevipena pal o Roma, shaj paruven o generalna medijengro dikhiben thaj gadjengro khetan(iben pre pozitivno rig.

Romane medija si len vazhno rola kana pes kerel e forma pre kodo sar o Roma keren korkore pengri akceptacija, sar dikhen pre pengri kultura thaj tradiciji, pre lengri socijalno the ekonomikanji situacija, diskriminacija the lengre hakaja. Jekhto thaj majbut, o romane medija si o instrumento vash e promocija savore Romenge sar le manushenge, pre savende sas but shelbershipena kerdji brutalno opresija. Majbut, romane medija si but kutch instrumento vash o arakhipen le romane shibakro thaj kulturakro, andro sajekh momento ispiden e komunikacija mashkar e bareder romane komuniti save pen maren vash e emancipacija thaj inkluzija sar ekvivalentna themutne. Pro agor, kana den andro generalna mediji kvalitna nevipena pal o Roma, shaj paruven o generalna medijengro dikhiben thaj gadjengro khetan(iben pre pozitivno rig.

Medienhilfe andal o Swiss thaj Open Society Institute - Network Media Program (OSI - NMP) andre Budapest so duj khetane zhutinde te vazden pe o romane medija andre Istochno thaj Telunji-Istochno Europa prekal o nakhle desh bersha. Kadala duj organizaciji resle o kontrakto vash e koordinacija lengre zhutipnaskri prekal o programo thaj khetano fondo. O zhutipnaskro programo del direktno asistencija le romane emisijake medijenge (radijo thaj televizija) save reprezentinen o majbare lokalna romane komuniti o keren andre romanji chib. Vash o regijoni kaj beshel bari romanji populacija, kaj nane lengre romane medije, kothe o na romane, gadjikane medije te keren o programe pre romanji chib.

Ko thema, kaj nji jekh alternativa nane, dela pe zhutipe ole inicijativenge khatar o lokalna romane zhurnalisti, kaj te keren peskre korkore komunitna mediji. Pal o romane nevipeskre agenciji, ola so si akana musaj len te zorarel thaj te zhutinel pe te vazden pe aver agencije.

Paralelno kadalaha inicijativaha kerela pe butji pre kodo, kaj ola medija organizaciji te aven pro regularno kontakto thaj te den garancija vash e lashi kooperacija mashkar lende te zoraren kodo, kaj te den jekh avereske lengre programi thaj te keren networkingo (mrezha).