(PDF)  

O Rrommedia.net prezentuil e Romane Medijen thaj Romane Medijengere Pro­gramon kotar e Centralno, Istočno (stungo rigeskiri) thaj Telune/Istočno/ Europa save si bazirime ande romane komunitetura thaj keren buči vaš lende.

I Vizija kodole internacionalno Rrommedia.net si:

• Te len e Romen sar aktivne participantura saven ka ovel jekh hakaja/čačipnea ande thema

• E Romane populacijako thaj e Romane komunitetongo zuraripe

• Sasto jekhipe ande kvaliteto thaj adekvatno kvantiteto pe Romane medijen ande relacija Rromane thaj Na-Rromane medija

Te resas kodo, amen e membron ande Rrommedia.net ka ovel kadala Cilura:

• Te žutil pe keripe profesionalno Romane Medijen, žurnalizmo thaj produkcija savi ka ovel kompetetivno ando kvaliteto e Na-Rromane Medijencar

• Te keren pes thaj te zuraren pes korkorutne/independentno thaj profesionalne Rromane Medije

• Te promovirinen e Romane kultura, historija/tradicije, sistemo molipenendar thaj i Romani čhib

• Te vazden sama ande Na-Romane politiki thaj gavernura vaš e Romengi situacija thaj te čhiven e Romengere situacija an penge politikane agendi

• Te ovel phurt/podo upral paj, maškar e Romane Medijenge parnerura thaj te sikaven pes ande na-Romane Medije thaj populacija

• Te sigurinen advocasy thaj te promovirinen manušikane hakajen/čačipenen vaš e Romene komunitetura pe Europako nivelo

• Te marel pes mamuj diskriminacija, marginalizacija, segregacija, e stereotipura maškar e na-romani populacija mamuj e Roma

O Rrommedia.net ka funkcionirinel sar nafromalno netvorko sa džikote či kerel peski formalno registracija. Ka ovel phutardino vi vaš nevbe membrura.

E Aktivitetrura ka oven:

• Te ulaven pes informacije thaj eksperience maškar e Romane Medije

• Edukacija e populacijaki thaj zuraripe e Romane Medijengo

• Pharuvipe/ulavipe video, audio thaj tekstualno informacije thaj produkcije

• Kooperacija e Na-Romane Medijencar

• Koprodukcija maškar e Romane Medije thaj Romane produkcije

• Treningo vaš e žurnalistura

• Website thaj Mailinglist

E detalura si dendine/specificirime ande Etikano Kodo thaj Kooperacijako liloro, save si vaš sa e mediumija, programura thaj individualcija save si ando Rrommedia.net.

I decizija te kerel pes o Rrommedia.net sas dendini kotar e romane mediumija thaj romane programura kotar buteder thema, ando arakhipen ano Ohrid, Makedonia, pe septembro 26/27, 2003 berš. Pal kodo sas o arakhipen ando Novi Sad, Serbia thaj Montenegro pe aprilo 21/22, 2004 berš kote sas diskutuimo o liloro vaš I misija. Pal kodo, I misija sas diskutuimi thaj skrinisardini pe trito Rromedia.net-eskoro arakhipe ande Kotor, ontenegro, pe septembro 23, 2004 berš.